【歌曲簡介】

「如果我們的人生就是一個社會體系，我們會怎樣創立屬於自己的規條？」

荒謬和不公平的大小事，在生活中每天上演，可能我們已經習以為常：司機遲到、兜路、唔識路、態度差；食肆食物質素差得難以嚥下，員工服務態度又惡劣；市面上所謂「有好嘢睇」的展覽和表演，是在挑戰我們的視力和智商；做藝人的，「發表言論」或「不發一言」，也會遭人唾罵；做女人的，肥與瘦、大胸與平胸、老與嫩，樣貌身材也會一一被攻擊。

「被欺凌」就是一種「食得鹹魚抵得渴」。

然後我們便以一句慣性的「係咁㗎啦」，「算啦」、「唔緊要啦」、「忍吓啦」，一次又一次的被那些惡人和事任意踐踏，而我們則吞聲忍氣，只有自己憤怒和悲傷。

第七章《係咁㗎啦》就是要大力道出：「為什麼我們要接受「係咁㗎啦」？」

就當我們還可以發聲的時日無多，就算狀況最後也不能有些少改變，就讓我們用盡最後一口氣，不再啞忍，身體力行大聲吶喊「我唔要係咁！」

【歌詞】

係咁架啦點解我哋成日啞忍
係咁架啦我要講我唔要係咁
係咁架啦有啲嘢係超乞人憎
以為慣咗就話係咁架啦

我係講你個態度你係唔鍾意你咪做
餐廳冇好嘅服務好嘅質素晾住嘅係租
啲數落個海度都唔會落你個袋度
司機佢又想兜我路我係咪被選中嘅細路!
終於放下假話有啲膠花同埋熊貓睇下
我地場邊有美斯打唔到俾 Taylor Swift uh

規則已亂了方向
不改進未見理想
今天我沒法忍讓
世界變太誇張

係咁架啦點解我哋成日啞忍
係咁架啦我要講我唔要係咁
係咁架啦有啲嘢係超乞人憎
以為慣咗就話係咁架啦

係咁架啦成日激氣就會傷身
係咁架啦嬲到盡頭就變傷心
係咁架啦有啲人係超乞人憎
唔想再聽你講係咁架啦
唔想再聽你講係咁架啦

我出聲嘅時候你就話我抽水
我唔出聲嘅時候你就話我笠水
食得鹹魚抵得渴就要俾你欺凌
最緊要努力孝順父母進步有品 A0

咁都好過做女人丫素顏又話你殘
到你老左又要做美魔女又要童顏
着少啲話博出位著多啲話你生仔
樣衰叫你去整容整完都係咁樣衰

喂你瘦咗喎！
Oh 厭食症！

哇你肥咗喎！
哦！你暴食症！

基本上呢個社會就係荒謬同不公
我哋要繼續出聲點可以無動於衷

規則已亂了方向
不改進未見理想
今天我沒法忍讓
世界變太誇張

係咁架啦點解我哋成日啞忍
係咁架啦我要講我唔要係咁
係咁架啦有啲嘢係超乞人憎
以為慣咗就話係咁架啦

係咁架啦成日激氣就會傷身
係咁架啦嬲到盡頭就變傷心
係咁架啦有啲人係超乞人憎
唔想再聽你講係咁架啦

當我收晒聲俾你恰我驚哂青
身處這個都市擠壓出心理病
不再收哂聲點會驚怕俾你ban
只要爭這口氣呼喊強硬要你聽

唔想再聽你講係咁㗎啦

點解我哋成日都要啞忍（日日在日日在日日受折磨）
我要大聲講我唔要係咁
有啲嘢根本係超乞人憎（你會說你會說叫我咪囉嗦）
慣咗就話係咁架啦

係咁架啦成日啞忍激氣就會傷身（真心話真心話你會記得麼）
係咁架啦嬲到盡頭就會放棄傷心
係咁架啦有啲人係超乞人憎（實在係實在係實在罪過）
唔想再聽你講係咁架啦