【歌曲簡介】
JNYBeatz╳床哥@JFFT破格深情之作《毒男爸爸》父親節重磅推出誓要擊中爸爸們淚線笑言細個係廢柴為咗小朋友急速長大感觸寫上：突然由粒蛋進化到究極形態
JNYBeatz與床哥@JFFT趕及在父親節重磅推出新歌《毒男爸爸》，一字一句都真實寫下自己作為年輕爸爸的心路歷程，集深情、感觸、rap元素，用他們的語言詮釋「最甜蜜的負荷」，誓要擊中爸爸們的淚線。

JNY與床哥於去年認識，自此一拍即合，事關二人太多共通點，大家同樣現年31歲、都是年輕爸爸、在同一區長大、以往流連同一間網吧、沉迷過同一款電腦遊戲，到成年後同樣作幕前演出，二人經歷如此相似簡直「大癲！」他們又笑言：「香港真係好少講經歌，全部都係情情塔塔。咁多年嚟得一首《真的愛你》係講媽媽，冇歌講爸爸！香港市場爸爸係唔入流，《毒男爸爸》就係第一首頌讚爸爸嘅歌，而且仲要係年輕爸爸。」

二人又笑言以前自己非常「劇毒」，哪有想過如此年輕就成為爸爸，他們回想年少時只懂打機，是個廢柴，每天都活得沒有目標，到養育小朋友開始就有了清晰人生目標，為了家庭去奮鬥，所以寫下一句非常到肉的歌詞「突然由粒蛋進化到究極形態」。

他們又透露心聲，年紀輕輕就要為人父親令自己急速成長，說說：「呢啲題材冇人夠膽講，大家都會咁細個做爸爸話唔好，成日話未ready唔好做爸爸。但其實邊有人係ready做爸爸，因為你冇得去做爸爸㗎嘛，點ready啫？就算口講話『堅ready』，係咪真係ready先？係要到小朋友出世嗰下先至係『我準備ready』。」這首歌就是細訴他們的心路歷程。

他們又覺得其實年輕時做父母是好事，以前未有小朋友都不察覺，床哥說：「其實我都係3張，個女已經8、9歲，我覺得同佢仲玩得埋。」JNY說：「以前係諗，不如3張先諗係咪要生呢？係咪要plan呢？但發現其實唔係，如果我哋依家先生小朋友會仲攰，依家由0歲開始養，真係搞唔掂，出事！哈哈！」

二人非常有默契，大家現時聽到的對唱形式是錄音當日才即興決定，床哥形容歌曲有很多情緒起伏，這個對唱形式好像兩個爸爸聊天講心聲，相信各位爸爸一定共鳴。

【歌詞】
JNY:
我勇敢不再下沉
為你只想努力
原諒我當爸爸不夠好
床哥:
我每天體貼入微為你願意去捱人大了
合唱:
根本不需要再下沉

JNY:
以前成個傻仔日日匿喺網吧打躉
(床哥:喂戰士定陽光阿)
萬無目的成個人生根本唔知為乜
志願就係畢左業後做個廢柴
(床哥:廢柴好阿)
老豆老母俾嘅零用真係夠哂
結婚生仔理應同我完全無關
(床哥:關我鬼事阿)
疊埋心水做個毒男等人埋單
(床哥:喂埋單阿唔該)
有時人生就係要你被迫長大
學做老公學做爸爸學識餵奶

床哥:
突然由粒蛋進化到究極形態
JNY:
搵奶粉錢搵租屋錢注定一定要捱
床哥:
如果而家有人問我有無後悔
JNY:
我會同佢講最開頭果段時間真係好攰阿

床哥:
我勇敢不再下沉
為你只想努力
原諒我當爸爸不夠好
JNY:
我每天體貼入微
為你願意去捱人大了
合唱:
根本不需要再下沉

床哥:
慢慢睇住仔女一日一日咁去長大
發現世上無嘢比上佢地嗌聲爸爸
嚟到今日三十一望番呢段過去
寶寶嘅回憶絕對會係我地嘅美麗之最
其實人大左唔需要再去諗返之前
上天俾我行到呢一步唔會係偶然
好想藉住呢次機會多謝佢地出現
因為今日佢地嚟到MV 睇我地表演

JNY:
突然由粒蛋進化到究極形態
床哥:
搵奶粉錢搵租屋錢注定一定要捱
JNY:
如果而家有人問我有無後悔
床哥:
我會同佢講最開頭果段時間真係好攰阿

JNY:
一天一天變老邁
千般感覺在我心
回憶嘅快樂再度呈現再度憶記
床哥:
你笑著看我雙眼永遠沒忘記
牽着你共我雙手就會開心

JNY:
我勇敢不再下沉
為你做好爸爸
明白了
合唱:
根本只需要愛你地