陳塵 Rap Chan
Dustykid作者
現為自由創作塵,現居於蘇杭街96號,一個比軒尼詩道更多塵的地方,藉著接觸更多塵,寫出更多塵世事。
詳細資料
【泰國華欣夜市】
華欣夜生活超多,但要好行得嚟又有藝街氣息,又啱兩口子拍拖仔閒逛嘅夜市呢,Cicada Market會係首選。

Cicada Market只開放五、六、日,位於正正華欣市中心,車程只會幾分鐘,好方便㗎!市集每晚都有泰國本地設計單位擺檔,你會喺呢度睇到泰國優秀嘅自家品牌同手作藝品,你又可以請畫家即席為你哋畫肖像,價錢都只係300b咁上下,作為情侶旅遊手信實在超值。同場仲不定期有藝街展覽,男仕替女仕拍拍照,殺菲林一流~

想嚴重推介呢度嘅食物,除咗泰國傳統食物外仲有外國fusion菜,喺外面好難食到,呢個美食廣場嘅誠意度值100分!食完又可以買杯嘢飲到音樂廣場落低聽歌手現場表演,輕輕鬆鬆,舒舒服服,咁先係喺華欣放假嘅「渡假態度」!

特別鳴謝:AirAsiaHK 、泰國旅遊發展局(HK)

_Market
AGA
AGA係我近一年最鍾意嘅女歌手。聽咗佢好多訪問,佢由一個好平凡嘅空姐,慢慢成為一個唱作人。依啲經歷,我覺得每一個創作者都會有,但問題係,佢做到咁出色,咁樂於去做哩件事,而佢嘅嘢係感動到我,我覺得係一個緣份。咁我希望佢可以創造到更多歌,創造到更多共鳴啦,令更多歌迷同佢有緣份相遇。

《What if?》
依本書係問一啲好神奇嘅問題。
跟住問完一啲好神奇嘅問題,就會用一個好科學嘅方式去解答你。依類書,我係用嚟去廁所用嘅。因為你睇一條題目,就會得到一個好搞笑嘅答案,而你睇完就係你完事嘅時候。所以,我好推介你帶依類書入廁所。
《型銷》
我做廣告嘅,但我做廣告做到半桶水。哩本書結集咗依個世界上好多唔同嘅廣告類型,或者一啲成功個案,或者一啲失敗案例,係一本好好嘅參考書嚟。正如序入面所講,如果依個世代有一本咁樣嘅書,而你做緊廣告都唔肯去睇,唔肯收集資料嘅,不如你轉行喇咁。
《廣東爆谷》
我覺得廣東歌詞係非常重要。成長、失戀、友誼決裂,或者你要慶賀你嘅財神到,都係用廣東歌啦。咁小克係我近年其中一個好欣賞嘅填詞人。雖然佢正職係插畫師,但係我更加欣賞佢嘅填詞作品。佢比起一般嘅填詞人,諗法天馬行空,同埋佢唔會吝嗇寫多啲唔同嘅字喺一首歌上面。
作為一個希望成為填詞人嘅圖文作家,依本書對我嚟講,簡直係一套紀錄片,睇完我會好好記住。

《Colors》
《Colors》哩本雜誌係我最鍾意閱讀嘅一本季刊。其實喺香港好少知道外國嘅事,因為你知得一個電視台啦,或者係得幾個電台啦,佢哋都唔會好深入咁講一啲關於人文上面嘅嘢。而哩一類嘅書籍,就可以補充我生活上嘅營養。但可惜嘅係,佢已經停刊咗中文版……咁唔該,IdN可唔可以快啲搞返依個中文版嘅出版啊?唔該。
《海港》—楊學德作品集
大約八年前,我去咗楊學德個狂草展到,同佢合照咗一張相。但估唔到八年之後,我屬於香港其中一個所謂嘅圖文作家。所以,哩個係一個時代嘅演進。
我見到佢由狂草展到而家,終於畫咗一啲叫做Fine啲嘅artworks出嚟。好似用依八年,由sketch去到一個fine嘅作品,我覺得成件事好神奇。咁所以哩件事係值得紀念。
Dyson V6 Fluffy吸塵機
依個係dyson吸塵機,我用過歷史上最好用嘅一個吸塵機。因為我應承咗dyson做一個浸大嘅空氣研究project,咁佢就上嚟度我間屋嘅空氣質素,度完之後,dyson送咗依個吸塵機俾我。
暫時我間屋嘅空氣質素,係同銅鑼灣SOGO出面段馬路係一樣嘅,另外,化學物嘅揮發度係over 500,但……標準應該係零。

WE FUCKED THIS 100KM
我有個跑步組織叫PowBow。由於哩個香港入面,唔知點解有大量嘅運動比賽都係for女仔,例如Nike Woman或者多啦A夢跑,全部都好適合女仔,咁男仔點樣呢?

有見及此,我哋PowBow哩個group入面嘅搞手,就搞咗一個叫PowLow嘅組織,即係「跑佬」咁解。喺今年三月底搞咗一個活動,由九龍城跑去西貢,再由西貢跑去上水,由上水跑去屯門,再由屯門跑返去九龍城,全長一百公里,由四個「佬」為一隊跑晒一個圈。每人跑25k,四個人合力就跑晒100k。哩個唔係一個傳統嘅比賽嚟,而我哋跑嘅地方有斜路、有車路、有地盤、有行人路、有高速公路,成件事係好瘋狂嘅。

相入面係一個「完走牌」。當你跑完依25k之後,就會得到哩個用石屎嚟做嘅完走牌,好符合「佬」哩樣嘢。PowLow就係一個咁佬嘅、新晉嘅DIY比賽。

檸檬梳打
極度鍾意飲酸嘢!但街無檸檬梳打哩樣嘢賣,就算有都好甜啦。你去一啲酒吧飲,就永遠過五十蚊。咁我決定咗,到自己出嚟住個時,我就會自己整檸檬梳打飲。哩度一舊檸檬三蚊,同一罐梳打水四蚊,七蚊已經滿足我所有嘅願望。
利物浦頸巾
依條頸巾係利物浦嘅,咁我每一次掛起佢,都會輸波,唔知點解,雖然利物浦都已經成日輸波。利物浦係我生命中頭三樣重要嘅嘢嚟,基本上一個禮拜唔睇佢一次波,我係唔安樂嘅。由我鍾意佢,直到而家,佢從來都無成功係英超拎過一個冠軍。希望我有生之年可以見到佢拎冠軍啦,哈哈。
(呢條頸巾係我前女朋友去英國,買利物浦嘅嘢送俾我。而現任女朋友唔知係前任送,所以成件事好搞笑。)
越野跑鞋
我係玩毅行者或者HK100嘅山系比賽,咁哩對鞋都陪我走過好多唔同嘅石屎路、泥路。鍾意走石屎路定泥路多啲?咁梗係泥路、山路啦,所以政府唔好再鋪咁多石屎路係山上面啦,唔該。
{{::post['post_title'] ? post['post_title'] : post['profile_name']}}
{{post['profile']['profile_name']}}
{{post['single_post']['post_title']}}