Peggy先生
日本語教師
有時唱歌、亂咁煮嘢食,寫下專欄畫下公仔 - Youtube / Facebook 日本語教室™ 每周熱情更新http://www.youtube.com/peggysensei http://www.facebook.com/peggysensei
詳細資料
【「Bikkuri Donkey」24小時漢堡,好味到嚇親!】
日本美食恆河沙數,作爲旅客嘅你,大概未必會犧牲任何一次吃壽司的機會,去call一次pizza;百思不得其解,偏偏總有港人去每次去日本,一著地就要食香港都開始無人排隊嘅一蘭……仲話好味過香港幾十倍。其實與其同香港比,點解又唔去探索下其他香港冇嘅新口味?

講到24小時營業連鎖快餐,聲些就寧願去「Bikkuri Donkey」(びっくりドンキー,直譯解「嚇親驢仔」)。此漢堡扒專門店有超過20多款漢堡扒,如流心芝士漢堡、紫蘇蘿蔔蓉漢堡等等,既好味又易搵,一落機想來客重口味醒醒神,絕地推薦。漢堡之餘,仲有必試甜品「粒粒口感草莓牛奶」(つぶつぶ食感いちごミルク),牛奶夠香滑,粒粒草莓醬有咬口勁滿足,連出名嘴刁,日本毒舌藝人Matsuko Deluxe都親身推介!下次去日本,一於暫時放低和民大戶屋,試試新口味啦~。

【SHISEIDO「Patting Sponge 611」啪啪啪最養顏!】
聲些的皮膚總是很麻煩,幾十歲人還是會經常長痘痘。自命青春的愚昧期終於過去,是時候面對現實——肌膚水份不足才是致命傷。早前去大阪,跟朋友逛藥房發現SHISEIDO的化妝水神器「Patting Sponge 611」,一聽朋友講此乃補水救星,立即要買支試試;回港試足整個月……臉蛋明顯變白滑,水份充足;喂喂,真係得喎!

白色海綿加彈性塑膠棒棒,加起來原來係懶人化妝水啪啪棒。先用開水浸開海綿,稍爲扭乾多餘水份後,再滴進適量化妝水;入浴後就用它啪臉10分鐘,感覺到化妝水源源不絕注入皮膚。聲些之後會在臉上塗上保濕精華,繼續啪啪啪,精華1、2分鐘就被皮膚吸收了!翌日起來,摸摸臉頰,感覺仍是嫩嫩的,這種懶人拍打運動,果然奏效。

看日本@COSME網民評價,此棒還適用於背部暗瘡……500円用足好幾個月,4支就夠啪啪啪足一整年了 。
【《狗狗沒有家》+《貓咪去哪兒》日本流浪毛孩實錄】
不論閣下是貓派或狗派,但願你們都是領養派。
自小對花貓唐狗情有獨鍾,相比寵物店裏的貴族血脈,還是跟野孩子生活來得舒適愜意。每頭等待領養的小夥子,背後都有不同的辛酸歷史;日本的流浪貓犬絕不比香港的來得幸福,大量配種加遺棄,全日本每年約有12萬頭貓狗無家可歸。《狗狗沒有家》是311大地震後遺棄狗狗的紀錄片,看到志願團體瞓身保護動物,更堅定「一生不買寵物」的決心。電影已於7月2日上映,同期還有另一齣流浪貓電影《貓咪去哪兒》,講述拳擊手男主角和貓咪的感情。去戲院捧場,每張戲票有1蚊會被捐贈香港非牟利獸醫診所籌款。兩套都捧場, 就送你一套8張貓貓狗狗postcard。各位貓奴汪奴,戲院見!

《Perfume》
前幾日先去完《Perfume》COSMIC EXPLORER發售紀念展,係正嘅。

新碟《COSMIC EXPLORER》真係好好聽,監製中田康貴明顯回勇!第1~第4首歌成個禮拜keep住狂loop,日日唔聽過唔舒服。於是,呢日再聽多次,然後同friend子去咗銅鑼灣HMV,睇埋新碟發售紀念展。展品唔還多,有上次佢哋第一次嚟香港開LIVE嘅歌衫,有雜誌有黑膠展覽,仲有佢哋親筆俾香港粉絲嘅簽名,寫埋廣東話(留意返,唔係書面語,真正for香港粉絲only。)咁快就滿足原來太早,展覽場落一層,仲有大型粉絲簽名板;響星星memo紙上面寫上嘅心意,聽講都會一一交到Perfume手上!一路寫字一路心跳真係好耐都未試過,莫非呢封算係我人生第一封情信?!

# COSMICEXPLORER
《Tarzan》
《Tarzan》瘦人都要減肥嘅咩?!

最近開始做Gym,契機當然係因爲條腰已經一早唔知去咗邊。

做做下,先發現原來爲身體製造肌肉,係咁重要。成日問個教練:「啲人咁瘦仲嚟做Gym?」瘦人原來係嚟練肌肉。唔係要下下練到徐錦江咁誇張,之但係想擺脫太肥/太瘦身型,唯一辦法就係增加身體肌肉量,效果先持久。做咗百幾年人,宜家先知呢個道理,會唔會太遲?

於是,聲些開始煲番下健身雜誌;日本出名修身專門雜誌有《Tarzan》。今期講「瘦人身體改造大法」,睇埋內文原來瘦人同肥人(咳咳,即係聲些我),都係嗰堆肌肉training,突然間覺得全地球嘅瘦人,都變成同伴啦。(拍拍肩)瘦人都有肚腩嘅,你都響健身室都見得多啦。一於就趁夏天未到,陪聲些齊齊操啦。

《星野源》
《星野源》係我人生第2次一見鍾情。

呢個世界邊可以有啲人,可以天生咁屈機嘅啫?OK你可以話佢唔算好〜靚仔,都叫型先吖!作曲編曲監製填詞唱埋,編曲得意嘅旋律正嘅歌詞押韻有意思嘅把聲好聽嘅……大佬,而家你玩哂啦!以上,就係我第一次睇佢MV《Snow Men》嘅感想。瞬即wiki下佢,更是不得了。

園子溫《一代電影粉皮》原來有佢份做㗎咩?仲拎咗日本電影學會最佳新人?!電影主題曲原來就係佢寫嘅!原來仲拍過宮藤官九郎嘅電影,村上龍套《69》電影版都有佢份做!你知唔知一口氣追番哂過去咁多擦肩而過嘅片段,係一件幾咁邪惡嘅事!

唔信?唔啱你都嚟試下哩?《Snow Men》MV:https://www.youtube.com/watch?v=cBIW48e6GZE

《小花的味噌湯》
《小花的味噌湯》其實係開心洋蔥湯。

好耐冇睇廣末涼子拍電影,仲諗住套戲講佢末期乳癌咁慘,肯定喊到慘過睇《鐵道員》。誰不知原來睇佢笑多過喊,無論病發幾辛苦,都唔放過每一刻以身作則,教識幼稚園女女小花點樣生活,煮下味噌湯;就算他日走咗,女女都可以健康生活落去。成套戲嘅節奏,就係一下俾佢感動咇到喊,跟住又即刻笑番講下笑咁,又塞番個笑彈俾觀衆。搞到人又喊又笑,家陣想點先?

到底,點先算係充實人生呢?故事舞台換轉響香港,會唔會係臨死都只顧住計剩番幾多錢俾個女,幫佢安排埋中小大學升邊間,最緊要剩低層樓過佢做姑婆屋,至死得安樂?5月5日上映啦,睇完快啲過嚟同聲些討論下。

{{::post['post_title'] ? post['post_title'] : post['profile_name']}}
{{post['profile']['profile_name']}}
{{post['single_post']['post_title']}}