新青年理髮廳
本地樂隊
詳細資料
彩虹戰車「小虹」
上年識左個朋友老占,佢屋企大大話話有唔只十幾部單車,經佢荼毒之下,我地三個都成日做一個好唔健康嘅運動──深宵踩單車。係中毒愈來愈深嘅情況底下,我地開始都買自己嘅單車,呢一部就係我買嘅第一部單車──小虹。踩單車周圍去係一件好得意嘅事,可以行一d自己平時好少行嘅路,用第二個角度去同一個地方,希望第日可以同佢出生入死,踩遍香港唔同嘅角落。

紅磡天光墟
近天光墟算係搬去紅磡既其中一個原因,每次去都好興奮,好似尋寶咁,因為永遠都唔會知道幾點開,有幾多檔,同埋檔裡面係有d咩,胸圍底褲、家品電器,其實應該你諗到都有,d嘢仲要真係真係好平。

紅磡美食
我係一個好懶嘅人,習慣左一樣嘢就唔會專登花力氣再去轉,例如去間餐廳食飯,我鍾意食果度嘅乾炒牛河,我就可以一世都淨係係食果間餐廳嘅乾炒牛河,搬左去紅磡一年幾,我都冇專登不停試食唔同嘅餐廳,但係都已經搵到有好多可以食成世都唔厭嘅嘢食!

曲街 東門冰室(章魚餅豬扒丁)

曲街 聯發茶餐廳(豬扒焗飯)

寶其利街 美味佳(三餸車仔麵,識食一定食米粉)

黃埔街 尾張屋(忌廉吉列豬扒飯)

黃埔街 滿堂樂(擔擔麵配燒魚)

必嘉街 麥當勞對面 唔記得名(熱狗 隻隻味都好食)

女人街大間啲果間美之
有去過美之嘅人都知道美之係有陣美之味,臭味、up味、體味、人情味。
特別推介:搵女人街大間d果間美之芳姐吹水



圖片來源:http://www.weshare.com.hk/iamrubyto/articles/2177486
James的單車s
James是我們一位好朋友,為人和藹可親,他收藏了很多老牌子,非常實用,而且性能很好的單車。每一架單車都獨具一格,我們三位常常深夜約James出來一起踩他的單車。慢慢喜歡了踩單車,現在我們每人都買了一架(或以上)的單車,歡迎大家約我們踩單車!
表姐你好野
呢齣電影係喺1990年,香港回歸前既出品,相隔現在已經二十六年。當中利用冷嘲熱諷去講對香港將來回歸既感受,就算再睇幾多次,都仍然覺得歷久彌新,都依然係咁好笑,依然咁傷感。



圖片來源:https://theinitium.com/article/20160203­hongkong­filmdirectors/
隨風MV
隨風係我自己最鍾意mv,因為係呢個mv背後有好多小故事。係一開始構思嘅時候,因為未諗到點拍,所以就只係畫左一個graphic嘅mv(其實我自己就已經好滿意),但係區樣同發仔話真人版嘅mv吸引d。我一怒之下就構思一個同graphic版一樣嘅真人版mv。另外就係我成日都唔想跟人地做同一樣嘅野,我覺得成日人地都有d觀念就係mv或者片要有多d嘢發生,多d畫面先叫正,我就諗下計仔,有冇計反其道而行,最後就有個咁隨風嘅mv。

Once
Once 係我最愛既一齣音樂電影,即使無龐大既製作,頂尖既拍攝技術,但有細膩既故事,感動既配樂,就足夠成為一齣簡單而隆重既電影。



圖片來源:https://lipranzer.wordpress.com/2013/09/06/anatomy­of­a­scene­7­once/
The School of Rock(我阿sir來自樂人谷)
這是我中學老師介紹我看的電影。我覺得在現在的香港,每一個小孩子都好像電影中的名校學生一樣,被灌輸很多所謂正確的事、正確的價值觀。大家不自覺在成長中放低了自己最獨特的東西,學會循規蹈矩。不如犯一犯規,或者會找到你人生中最喜歡的事,將會比很多人幸福。



圖片來源:http://assets.nydailynews.com/polopoly_fs/1.1441873.1377894123!/img/httpImage/image.jpg_gen/derivatives/article_970/new­movie­school­rock.jpg
Click
Click是我最喜歡的電影,沒有之一,經典中的經典,笑中有淚。

每次氣餒或者辛苦的時候,都會想起這套戲!不要幻想略去痛苦的時刻,這樣只會在不知不覺間連快樂都一併略去。



圖片來源:http://www.imdb.com/media/rm1425969664/tt0389860?ref_=tt_ov_i
小王子
我覺得小王子呢本書喺人生不同階段都有著不同既提醒作用,作者將自己對人生既道理深入淺出地透過小王子既經歷帶出,所以一句講晒,早睇早享受。

圖片來源:http://www.ettoday.net/dalemon/post/12092

雅舍小品
以前都有介紹過這本書。作者梁實秋出世的時候還是清朝時代,他的生活很有民初貴族的味道,古典優雅又不失幽默通俗。

好像看一位很有修養的人風趣地說以前的故事。

{{::post['post_title'] ? post['post_title'] : post['profile_name']}}
{{post['profile']['profile_name']}}
{{post['single_post']['post_title']}}