Merry Lamb Lamb
唱作人
名字來自童謠 “Mary had a little lamb” , 自小深受 8bit 遊戲及音樂影響。她希望透過音樂,表達自己對生活小細節的想法。
詳細資料
《Mokuyobi》
在多倫多生活個陣,時不時都會去Urban Outfitters到留意嘅一個牌子叫Mokuyobi,更年來除左推出佢地注目而可愛的patch之後,佢地更呢幾年亦設計左好多顏色鮮豔而且可愛的背包。因為本身自己好中意去二手鋪頭到買二手牛仔樓的關係,所以會想上網搵一啲可愛而且所謂有啲“咩”嘅設計patch去引落自己件牛到去擁有一件屬於自己的一件專屬牛。但只從佢地推出埋新款式嘅袋之後,我諗我又係時候要血拼一筆lu~

《18 Grams》
現在開了很多分店的18 Grams,也會是我另外首選的咖啡室。以前去開銅鑼灣個間都會如常列排點mocha黎飲,雖然銅鑼灣間18 Grams嘅地方比較少,但因為咖啡實在係太好飲嘅關係,所以每次經過我都會癮唔到手,走去買返杯領住返公司飲。如果同樣也是咖啡迷的你,也不要錯過這間咖啡店!



圖片來源:https://www.facebook.com/18GRAMS/?fref=ts
《Brew Note Coffee Roaster》
好喜歡試嘗試各類型咖啡室的我,有一次透過同事而得知這間咖啡室的存在。喜愛它的原因是因為佢有種係屋企飲咖啡的感覺,是很緩和,很幸福的一間咖啡店。而且地方也不是太淺窄,就是所有東西都剛剛好。是一間很值得星期日去流連,和朋友喝喝咖啡,聊聊天的一個好地方。(極力推介佢地的Americano,因為真係好好飲!)

# Brew Note Coffee Roaster

圖片來源:https://www.facebook.com/brewnotecoffee/?fref=ts
《Mamamamarket》
第一次去幫襯三媽嘅時候,係幫襯佢買nike衫先的。三媽所主理的mamamamarket係一間instagram的網店,因為聽朋友提及過佢嘅名字,所以就決定去幫襯佢一次,試下睇下質數究竟有幾高。結果佢絕對無令到我失望,仲好開心時不時會收到佢送嘅小禮物。依家三媽仲會定期推出自家製款,所以如果喜愛獨特而且較為搞怪的東西,記得要取幫襯下佢啊!



圖片來源:http://repozz.com/u/mamamamarket
《music-shop 二手CD店》
Music-shop 二手CD店係一間好有親切感嘅cd鋪。中學時期,每次去親呢間鋪頭嘅時候都會好提心吊膽,因為上層嘅鋪頭大多數都係滿佈住好多鹹野嘅鋪頭,搞到次次要去個到都要戰戰兢兢咁樣先到達目的地。上個月去搵完古巨基啲舊碟,發覺老闆依然都係咁nice,更可況老闆收返黎啲cd大部份都算好新正,而且人又nice,眼見現在啲cd鋪頭真係越來越少,所以我地真係要好好珍惜佢地。

-shop

圖片來源:https://www.facebook.com/media/set/?set=a.1001520729895059.1073742071.170734939640313&type=3
《恩典365》
雖然我算不上是一位基督徒,我更加還沒進行過任何受洗的儀式去證明自己是一名基督徒,但我很相信天父的智慧,很相信他為我們創造的一切事物,一切的決定。所以我很希望如果大家也想更接觸到神的話,得閒不妨可以上恩典365到聽寇紹恩牧師每日所帶給我們的一些說話,聽完個人心情都開心啲,放鬆啲~



圖片來源:https://i.ytimg.com/vi/mgaxvsiNOIo/hqdefault.jpg
《FACT Magazine》
FACT Magazine係一個多媒體平台去接觸新音樂的一個美國網站。係FACT Magazine入面,我特別欣賞佢地一個命名為“Against the clock”的環節,因為佢地會邀請唔同嘅音樂人去挑戰佢地係10分鐘之內去完成一首曲目。看似簡單的步驟,但其實比想像中還要複雜得多。因為自己本身係“一個人音樂大隊”的關係,所以會有興趣知道其他人究竟係點樣整歌,點樣係節奏甚至係旋律上面從中去搵到靈感。如果有興趣去睇,了解甚至係研究的話,看這個環就是最適合不過啦!



圖片來源:http://www.factmag.com/wp-content/themes/vfp/images/factmag.png
《Marina Keegan - The Opposite Of Loneliness 孤獨的對立面》
呢本《The Opposite Of Loneliness》的書籍,係我更年來看過最好看的一本心靈書籍。遺憾的是雖然作者Marina已經離開了人世,當時還是22歲嘅佢雖然不幸地遇上了車禍,但慶幸的是我還能夠有機會閱讀她的作品,能夠了解她對孤獨觀的感覺,能夠告訴我請不要害怕”孤獨“,因為“孤獨”就是上天給我們去找出真相的一種福份。所以我特別慶幸自己能在我感到最迷失的時候,遇上了這本書。

《Swing - 那邊見》
係2007的那一年,我爺爺不幸地過左身。係個一年我經歷左我人生中第一次目睹我最愛的爺爺離世嘅一刻,我經歷左我人生第一個要參加的喪禮。係《那邊見》入面,令我最著迷的一句就係“我要是走先去找足夠睡眠過 幾年那邊見”,每次我一聽到呢句歌詞,我都覺得好似爺爺係到同我傾緊計一樣,因為無論係點都好,我地始終都無法能夠永遠地活著,我認為能夠高興地活著每一天也是上天所交託來的一種福份,所以我好相信到我老左的時候,我便會再次聽到天父爸爸的呼喚,我便會再次擁入爺爺的懷抱入面,因為我很相信過多幾年,再過多幾日,等到我地會次重遇,所以:”我地那邊見啦爺爺!“

《蘇打綠 - 頻率》
係中一個陣,印象中仲好清楚記得自己好沙膽咁約左隔離班嘅個位女同學去睇wild day out,原因係為左去睇蘇打綠嘅表演。甚少參加大型band show嘅我,係個日完全比青峰所吸引住,我仲好記得佢第一首唱出嘅歌就係呢首《頻率》。佢清脆的聲音到以家都仲係咁難以忘記。

《Free Cake for Every Creature - All You Gotta Be When You're 23》
想說快要23歲了,以前聽呢首歌嘅時候,個心都無一種太強烈嘅感覺,但可能因為今年正式要踏入23歲的關係,聽到頭兩句prolouge “I was gonna be something by the age of 23, honey all you have to be by the age of 23 is yourself”嘅時候,個心竟然會有種chok住chok住嘅感覺。想說首歌真係好似同自己講緊野一樣,23歲的時光真的要來臨了。

對於自己而言,踏入23歲的我,最重要的莫過於是誠實咁面對自己,同埋最重要嘅就係充實地過著每一天的生活,不可以再令到自己感到迷失,感覺徬惶了。

# FreeCakeforEveryCreature # AllYouGottaBeWhenYou're23
《Flower - 初戀 (Live)》
好鍾意係網上邊搵歌黎聽嘅我,無意中比我發現到呢首咁動人的歌曲。係呢首歌《初戀》入面,歌詞內容係講述一個女仔對於戀愛的一份盼望,因為經歷過第一次的戀愛創傷,所以每次踏著返屋企嘅道路途當中,眼前所見到,所踏出過的地方,佢同前男友度過嘅地方,亦不禁令到佢憶起過往的開心片段。純鋼琴嘅魔力亦都令到首歌起了一份純真的感覺,個鋼琴就好似個女仔嘅腳步聲一樣,每次鋼琴所彈奏出來的腳踏聲就好似女仔嘅心跳聲一樣,是純真,溫柔的感覺。



圖片來源:MV截圖
{{::post['post_title'] ? post['post_title'] : post['profile_name']}}
{{post['profile']['profile_name']}}
{{post['single_post']['post_title']}}