最港產電影節
世上只有兩種人:看過港產片的人,還有,最愛港產片的人
詳細資料
【唐山大兄傳奇再現.903格】

在世界任何角落談起香港電影,很多人都必然想起——「李小龍」。李小龍傳世作品不多,但每一部都成為絕代經典,而今次放映的《唐山大兄》,就是龍哥打響名堂的第一作。903格最港產電影節的閉幕電影《唐山大兄》,有幸邀請到神級嘉賓——當年發掘李小龍,更提拔多位香港電影傳奇人物的著名監製,鄒文懷先生。

承蒙李小龍會的一眾朋友厚愛,《唐山大兄》放映會氣氛極為熱烈,更有李小龍的外籍粉絲特意飛到香港捧場,在放映會後,戲院咖啡室外更出現人龍,為的就正正是希望取得罕有出山的鄒文懷先生簽名…

李小龍與鄒文懷,既有知遇之恩,短短幾年的合作間,他們一同開創香港電影的歷史新一頁,同樣結下深厚的情誼。鄒文懷李小龍初遇,第一印象是什麼,他們在工作以外,原來最大興趣是發掘隱世邪惡食店?《唐山大兄》拍攝之時,到底李小龍有否如傳聞所言,當年在片場遭遇泰國武師挑戰?他又是怎樣應對?

想從這位傳奇監製口中聽更多李小龍的生命逸事,與香港電影的幕後故事?即刻重溫:https://www.facebook.com/my903/videos/10155116017073558/


 

【三十年後揭開童話裡的茶煲:《秋天的童話》分享會】

三十年前船頭尺一句「女人真係茶煲」風靡一時,自此男仕們訴說女人麻煩時,多了一種既幽默又帶點無賴的說法。而發哥「船頭尺」與紅姑「十三妹」的羅曼蒂克故事,更成為影迷心中的港產愛情經典,後世之作難以媲美。三十年後,「903格最港產電影節」將《秋天的童話》重新放上大銀幕,兩位主角又再穿梭紅葉間,彷彿回到1987,情懷不變,只是結局謎團和裡頭故事終由導演張婉婷和配樂盧冠廷在多年後逐一解開……

分享會上,主持陳詠燊(Sunny)與張大導和盧盧大師細數電影拍攝和配樂的幕後事,包括船頭尺和十三妹有否修成正果、船頭尺的真人原型、主題曲《別了秋天》的靈感來源、如何人工染紅紅葉等等,想不到放映後的大揭秘同樣精彩,連盧盧都笑言:「聽完套戲都變咗唔係幾好睇!」

一開始Sunny立刻問張導演,究竟當年舢板餐廳的「Table for two」後,船頭尺和十三妹有否圓了童話,從此幸福快樂?豈料導演氣定神閒地說:「佢哋從來都無好過。」讓盧盧和在場不少觀眾都表示心碎,張導演續說原來當年的構思是希望讓最美好的時刻定格,留白結局,觀眾自行聯想船頭尺和十三妹的未來。盧盧聽畢立即投下一票,支持二人走下去。

而盧盧坦言已經忘記當年用了多少時間做配樂,只記得《秋天的童話》是唯一一齣電影在配樂前已經剪接好,而且他能夠睡覺,相較之下,其他電影通常都在他三天不眠不休下完成。

之後張導演亦分享了一些「茶煲事」,例如在電影拍攝中期已經超出預算,以致她被老闆用十二面金牌徵召回巢,再決定能否繼續拍攝。又,當年她貴為新晉導演,劇組人員又是新人,所以不懂向發哥解釋為何要等到某一特定時刻才可拍攝,又為捕捉「Magic hour」不斷擇日再拍,令發哥大感疑惑(而當時發哥已經因為《英雄本色》變得大紅大紫)……

分享會尾聲時壓軸送出張導和盧盧親筆簽名、由903格格主迪嘉繪畫的「船頭尺與十三妹之Magic Moment」插畫,大家反應踴躍,最終一位觀眾憑即場演唱《在森林和原野》奪得。

更多背後趣聞,  立即足本重溫 。

當天「陳百強歌迷會」亦穿著Danny至愛的紫色會服,大舉到場支持重映,而張導和盧盧一一為他們簽名留念和合照,感謝他們一路支持。

【左一巴右一巴,張堅庭嚟嘞!《表姐,你好嘢!》分享會】
「一國兩制完嘞!基本法完嘞!」
不過《表姐,你好嘢!》放映完畢後,大家嘅開懷熱情就仲未完!上星期六,903格有幸邀請張堅庭導演,事隔二十七年於大銀幕再睇一次,社會如他所言急速轉變,戲中笑言漸變預言,猶幸觀眾歡笑依舊。
張堅庭導演與主持Sunny陳詠燊談笑風生,談到當年說服投資者拍攝政治喜劇的秘辛,更談到續集中經典的名曲《歡樂滿東華90》背後點滴。壓軸送出Do姐張導簽名,由格主迪嘉
繪畫的插畫,更要重演「祖國枚」…左一巴!右一巴!即刻重溫現場啦!

現場照片精華

分享會足本重溫
【「豪哥」真聲奪人:《英雄本色》分享會】
「阿Sir,我冇做大佬,好耐喇!」落泊江湖人宋子豪對警察弟弟宋子傑道出的這一句,固然聽得大家黯然神傷,既帶得出兄弟情誼的大道理,亦當然滿載親切感…

《英雄本色》這部神級港產片,絕對稱得上是無人不知,當中多句經典對白更深植人心,以上一句,更是經典中的經典。原來「冇做大佬好耐」的狄龍,演繹這句經典對白的聲線,是有這位幕後功臣——黃志成先生。

在主持火火宣佈下,黃志成先生於現場一現身開腔,觀眾似乎立時重拾不少回憶,紛紛表示當然認得這把聲線。火火首先憶述自己與黃志成先生的淵源:原來在他一次執導處理後製時,偶然聽到一把熟悉聲線,馬上認出這正是「豪哥」。久別重逢的兩人在分享會中就暢談當年電影製作與現今大不同,因為機器嘈雜,現場收音幾不可能,配音是製作常事,如若演員未能夾期,就是成哥等配音演員出馬的時候。

當年為《英雄本色》配音時,與張國榮、周潤發合作的經歷,尤記得他們對錄音工作極為認真,精益求精。他們亦談起黃志成先生多年來的配音生涯,重溫多個成哥膾炙人口的經典要角,包括引起一時風潮的《幪面超人》、由成哥演繹出經典口頭禪的《筋肉人》等等童年經典,臨到分享尾聲,成哥更示範當年《倩女幽魂》,應導演要求「要有書生味又要吟詩,又要驚,又要(扮)唔驚」臨場發揮的吟詩演出,技驚四座,未聽過絕對值得重溫。

分享會連結
【神仙再現,皇朝歸位:《三五成群》分享會】
《三五成群》中飾演「皇朝」童黨黑仔、蕃薯的張豪龍、余家豪,加上萬眾期待的「神仙B」蔡堅成,事隔接近二十年再度聚首!由當年「未夠秤」入場首映觀看自己演出,到今日成為網絡大熱,他們亦感受良多。

三個大家耳熟能詳的角色,久違多年現身影院,即時帶起現場狂熱氣氛!分享會中,三人各自分享這十數年間自己的生涯變化,如神仙B蔡緊成先生,近年既轉職的士司機,多年來作為動作演員、龍虎武師,亦一直有於電影電視幕前演出;至於張豪龍今日已為人父,現以滑水教練為業,但大家對當年演出亦記憶猶新。

他們又回憶當年拍攝的點滴,包括試鏡到演出時的往事,例如張豪龍是因同學關係輾轉加入劇組,而蔡堅成先生,則是以龍虎武師身份,臨時客串屋邨黑漢神仙B一角,出乎意料地於網上爆紅。他們更提到《三五成群》原來已有續集計劃,更已有幾個故事在手…

直到壓軸環節,送出由三位演員簽名的足球,全場氣氛更推至高峰,不禁一同高呼神仙B的經典對白,繼後「B哥」親自將簽名足球踢上觀眾席,以最貼合情節的獨特方式送給幸運兒,為分享會完美謝幕。

三位嘉賓訪問重溫

分享會直播重溫

觀眾訪問重溫
【加場!903格最港產電影節】

多謝各位大佬支持,《英雄本色》首場戲飛已經全數賣清!而《秋天的童話》首場亦出現一片紅海!嗱,唔駛搵支槍指住我個頭嘅,因為又有飛喇,呢兩齣戲而家加開最後一場!想見Mark哥、豪哥、船頭尺同十三妹?即上嘉禾院線網上或手機app訂飛喇!

903格最港產電影節,8個週末,喺the sky(奧海城)同你由頭睇過:
6月10日 15:30
《三五成群》*(映後分享:「大王」宋本中先生、「神仙B」蔡堅成先生)

6月17日 15:30 及 17:50
《英雄本色》(4K高清版!15:30場次映後分享:「豪哥」配音員黃志成先生)

6月24日 15:30
《表姐,你好嘢!》(張堅庭導演將現身映後分享!)

7月1日 15:30 及 17:50
《秋天的童話》(15:30場次映後分享:張婉婷導演、盧冠廷先生)

7月8日 15:30
《黑太陽731》*

7月15日 15:30
《伊波拉病毒》*

7月22日 15:30
《癲佬正傳》

7月29日 15:30
《唐山大兄》(4K高清版!映後分享:鄒文懷監製)

*電影列為三級,未滿十八歲人士不得購票入場。

【903格最港產大挑戰.Round 12殭屍 + 陳友題】
第十二回,最後一擊,考殭屍片同殭屍剋星:陳友!香港嘅殭屍片真係創意無極限,例如:閉氣可以避開殭屍耳目、糯米又可以驅殭屍、貼道符上殭屍個頭就即刻點佢穴……各式各樣鬥法,連音樂乘以殭屍都玩埋,直程係瀨尿牛丸般嘅跳脫思維!而大家睇得多都知,呢堆戲都係由幾個「道長」寡頭壟斷去演,其中一位就係陳友。咁你對陳友嘅其他作品又有幾熟?即玩「903格最港產大挑戰」試實力,答中有獎!

< 遊戲玩法 >
1) 「讚好」(Like) 此Post
2) 下面留言回答十條問題
答中最多又最快嘅頭五位參加者,即可獲得Garrett 芝加哥風味爆谷套裝(含兩罐四分一加侖爆谷)一份,價值HK$198。

^ 截止時間:2017年05月24日下午18:00
^ 答中問題的五位得獎者,以本帖文留言區之留言先後次序作準,不得爭議,獎品送出由商台製作有限公司擁最終決定權。遊戲條款及細則: https://goo.gl/GGRQYe

〈903格最港產大挑戰.Round 12殭屍 + 陳友題〉
1.《殭屍叔叔》入面,陳友所演嘅道士點樣對付色誘佢嘅女鬼?
A. 接吻時口含糯米
B. 戴住用銅錢整嘅眼鏡
C. 著住竹符咒整嘅底橫

2.《殭屍先生》初段,任大老爺被殭屍殺,大隊長樓南光因為咩理由指控林正英係凶手,捉去收監呢?
A. 因為佢身上有雞血
B. 因為佢隨身收藏金錢劍
C. 因為佢指甲最長

3. 麥浚龍嘅《殭屍》裡面,陳友提到道士同殭屍都已經沒落,但係就造就咗佢一樣乜嘢才能呢?
A. 炒糯米飯好好食
B. 斬雞斬得好工整
C. 寫得一手好大字

4. 以下邊個殺妻方法冇喺《殺妻二人組》出現過?
A. 踢電視機落泳池漏電電死佢
B. 將電油倒喺廁所跌死佢
C. 用放大鏡曬正煤氣喉缺口引致爆炸

5. 《廣東五虎之鐵拳無敵孫中山》入面,梁家仁飾演嘅日本仔力王,最後用邊一招對付廣東五虎?
A. 醉拳甘乃迪
B. 閃電無敵拳
C. 漢奸七傷拳

6. 林正英主演嘅《音樂殭屍》裡面,點解地主任天棠化身嘅殭屍會特別強悍呢?
A. 因為月圓之夜加上李家聲錯過吉時
B. 因為被外國科學家改造
C. 因為佢受到五百年一遇嘅特殊磁場影響

7. 以下邊套殭屍片入面,係出現過西洋吸血鬼呢?
A. 殭屍翻生
B. 殭屍至尊
C. 一眉道人

8. 《殭屍至尊》裡面,林正英用咗咩賄賂四個鬼差幫佢收殭屍?
A. 四大棟紙紮洋樓
B. 四千萬空頭支票
C. 四隻燒鵝髀

9.《表錯七日情》入面,鍾鎮濤闖入女朋友阿珍(梅艷芳飾演)嘅婚禮時,第一件事係做乜?
A. 捉住佢手帶佢上巴士
B. 擋住攝影師嘅鏡頭
C. 喺交換戒指一刻振臂高呼

10. 電影《大家樂》入面,溫拿五子飾演嘅學生樂隊係叫咩名呢?
A. 朋友樂隊The Friend
B. 溫拿樂隊 The Wynners
C. 飛躍樂隊 The Jumper

* 貼士 *
今晚上十一點至一點,叱咤903會有特備節目《最港產》最後一集,由火火同陳詠燊主持,同陳友傾港產片經。如果想知道部份答案,今晚記得收聽,由陳友為大家揭曉!

答案公佈:
1.B 2.C 3.A 4.B 5.B
6.B 7.D 8.B 9.B 10.A
【903格最港產大挑戰.Round 11 新人題】
第十一回,今次同大家玩「新人題」!幾出名嘅導演同演員都會曾經做過新人,而且第一部作品喺事隔多年後睇返,往往都會令人嘩一聲。好似Do姐鄭裕玲接拍第一部電影,就同發哥有激情戲。而陳可辛最初接觸電影,竟然係幫另一個導演將電影翻譯成泰文。自問熟港產片歷史嘅你,應該無難道啦,即玩「903格最港產大挑戰」,答中有獎!

< 遊戲玩法 >
1) 「讚好」(Like) 此Post
2) 下面留言回答十條問題
答中最多又最快嘅頭五位參加者,即可獲得Garrett 芝加哥風味爆谷套裝(含兩罐四分一加侖爆谷)一份,價值HK$198。

^ 截止時間:2017年05月23日下午18:00
^ 答中問題的五位得獎者,以本帖文留言區之留言先後次序作準,不得爭議,獎品送出由商台製作有限公司擁最終決定權。遊戲條款及細則:https://goo.gl/GGRQYe

〈903格最港產大挑戰.Round 11 新人題〉
1. 鄭裕玲喺邊部戲獻出第一次銀幕上嘅激情戲?
A. 《花城》
B. 《你情我願》
C. 《天賜良緣》

2. 《新古惑仔之少年激鬥篇》入面謝霆鋒尾段同邊個男星打左場拳賽?
A. 馮德倫
B. 吳彥祖
C. 李燦森

3. 以下邊個當年嘅新人,第一套戲唔係拍攝由劉德華投資嘅電影?
A. 陳少霞
B. 谷祖琳
C. 李燦森

4. 以下邊個導演參與嘅電影,係曾志偉無份監製?
A. 麥曦茵
B. 周顯揚
C. 黃智亨

5. 以下邊套係彭浩翔有份創作嘅電影而首次於戲院放映?
A. 買兇拍人
B. 天空小說
C. 破事兒

6. 邊個唔係憑同一套戲,同時拎到香港電影金像獎最佳新演員及最佳女配角獎?
A. 劉玉翠
B. 舒淇
C. 葉童

7. 截至2016年,香港電影金像獎史上最年幼入圍「最佳新演員」獎嘅係?
A.《父子》吳景滔
B.《寶貝計劃》Matthew Medvedev
C.《忘不了》原島大地

8. 陳可辛最初接觸電影,係幫邊個導演將電影翻譯成泰文?
A. 徐克
B. 吳宇森
C. 曾志偉

9. 以下邊套黃精甫作品係曾志偉冇份參與?
A.福伯
B.江湖
C.復仇者之死

10. 導演黃真真第一部執導電影係?
A. 六壯士
B. 女人那話兒
C. 六樓后座

* 貼士 *
由今日到5月23號,逢星期一至五,晚上十一點至一點,叱咤903會有火火同陳詠燊主持特備節目《最港產》,同嘉賓講港產片經。如果想知道部份答案,今晚記得收聽,有導演黃修平同演員游學修為大家揭曉!

答案公佈:
1.A 2.B 3.A 4.B 5.A
6.C 7.B 8.B 9.C 10.B
【903格最港產大挑戰.Round 10 編劇題】
劇本係一劇之本,係成部戲嘅靈魂。但編劇往往比起演員同導演低調,一般觀眾對佢哋嘅了解相對無咁多。大家講起某啲經典電影對白時,會唔會諗下係邊個寫㗎呢?「903格最港產大挑戰」第十回就要考考你,對電影編劇有幾了解!即刻玩,贏獎品!

< 遊戲玩法 >
1) 「讚好」(Like) 此Post
2) 下面留言回答十條問題
答中最多又最快嘅頭五位參加者,即可獲得Garrett 芝加哥風味爆谷套裝(含兩罐四分一加侖爆谷)一份,價值HK$198。

^ 截止時間:2017年05月20日下午18:00
^ 答中問題的五位得獎者,以本帖文留言區之留言先後次序作準,不得爭議,獎品送出由商台製作有限公司擁最終決定權。遊戲條款及細則: https://goo.gl/GGRQYe

〈903格最港產大挑戰.Round 10 編劇題〉
1. 以下邊套電影,並唔係由倪匡編劇嘅呢?
A. 《獨臂刀》
B. 《無名英雄》
C. 《諜海四壯士》

2. 以下邊套電影唔係爾冬陞同時兼任編劇同導演?
A. 《貓頭鷹》 (1981)
B 《人民英雄》 (1987)
C. 《早熟》 (2005)

3. 「奪命鉸剪腳」黃炳耀係資深編劇,亦鍾意落場演出,以下邊套唔係佢又做編劇又有演出嘅電影呢?
A. 《君子好逑》
B. 《雙城故事》
C. 《咖哩辣椒》

4. 韋家輝曾經於一個訪問中,被問到要揀一部最能代表銀河精神嘅代表作,佢答有兩部。係以下邊兩部?
A. 《暗花》同《非常突然》
B. 《一個字頭的誕生》同《大隻佬》
C. 《神探》和《大隻佬》

5.《野獸刑警》入面YOYO(周海媚)點解想將Mike (王敏德飾演)嘅BB生出嚟?
A. 想知係生鵬鵬(仔)定思思(女)
B. 生出嚟睇吓BB係咪鬼鬼地
C. 想Michael以後早D返屋企

6. 阮世生係90年代邊間電影公司嘅核心成員?
A. 永盛
B. UFO
C. 美亞

7. 「你連眼淚都唔知係乜嘢,到你知嗰陣會好痛苦」係出自李碧華邊一套電影?
A. 潘金蓮之前世今生
B. 青蛇
C. 川島芳子

8. 以下邊套電影唔係改編作品,而係原創劇本?
A. 月滿軒尼詩
B. 孤男寡女
C. 魔幻廚房

9. 以下邊個畫面,係觸發韋家輝構思《大隻佬》嘅靈感來源?
A. 喺四川拍外景時,見到巨大嘅佛像,覺得深受吸引
B. 喺銅鑼灣街頭,見到一個光頭嘅大隻佬跪低,覺得很有聯想
C. 喺拍攝《瘦身男女》時,見到特技公司掛起嘅假肌肉覺得好奇幻

10. 「你唔知一秒有幾長?」「青春嘅每一秒都好長。」莊文強、麥兆輝曾經喺專訪中提過呢句對白,曾經打算寫落劇本,但最後冇採用到,到底係以下邊一套?
A. 愛與誠
B. 頭文字D
C. 東京攻略

* 貼士 *
由今日到5月23號,逢星期一至五,晚上十一點至一點,叱咤903會有火火同陳詠燊主持特備節目《最港產》,同嘉賓講港產片經。如果想知道部份答案,今晚記得收聽,有《英雄本色》、《江湖告急》、《小男人週記》等佳作嘅編劇陳慶嘉為大家揭曉!

答案公佈:
1.C 2.A 3.C 4.C 5.B
6.B 7.B 8.A 9.A 10.B
【903格最港產大挑戰.Round 9 喜鬧劇+金像獎題】
嚟到第九回,今次有總共十條「喜鬧劇」加「金像獎」題目!經典港產片有唔少都係喜鬧劇,最為大家所記得嘅一定係周星馳嘅無厘頭式笑片,除此之外其實仲有好多好多,例如《最佳損友》、《摩登如來神掌》、《射鵰英雄傳之東成西就》等,令唔同年代嘅影迷都有過開懷大笑嘅回憶。咁唔知你又幾熟港產喜鬧劇呢?仲有啊香港電影金像獎你就睇得多,你又對佢嘅歷史有幾清楚?即刻玩「903格最港產大挑戰」試下實力,答中有獎!

< 遊戲玩法 >
1) 「讚好」(Like) 此Post
2) 下面留言回答十條問題
答中最多又最快嘅頭五位參加者,即可獲得Garrett 芝加哥風味爆谷套裝(含兩罐四分一加侖爆谷)一份,價值HK$198。

^ 截止時間:2017年05月19日下午18:00
^ 答中問題的五位得獎者,以本帖文留言區之留言先後次序作準,不得爭議,獎品送出由商台製作有限公司擁最終決定權。遊戲條款及細則: https://goo.gl/GGRQYe

〈903格最港產大挑戰.Round 9 喜鬧劇+金像獎題〉
1.《最佳損友》中,成奎安租屋俾一眾損友,一萬蚊可以租到個咩位?
A. 財位
B. 花灑位
C. 色中餓位

2. 《摩登如來神掌》入面,喺漢堡包店拎嘢食,要講以下邊句暗號?
A. 大俠愛食漢堡包,生菜牛肉頂瓜瓜,全港市民有口福,食完緊係嚟多包。
B. 大俠愛食漢堡包,純正牛肉無瀨貓,香港市民添口福,食完唔會亂打交。
C. 大俠愛食漢堡包,蕃茄牛肉菜肉包,香港製造日日清,食完快快嚟多round。

3.《誤人子弟》中,田啟文飾演嘅家長,一邊見老師一邊做咩?
A. 摔腳趾
B. 吱暗瘡
C. 飲咳藥水

4. 以下位個唔係同《少林足球》一齊角逐最佳編劇?
A. 谷德昭、彭浩翔
B. 卓韻芝
C. 麥兆輝、莊文強

5. 以下邊個場地無舉行過香港電影金像獎頒獎典禮?
A. 香港浸會大學大學會堂
B. 香港藝術中心壽臣劇院
C. 九龍萬麗酒店

6. 《我要做Model》中,田啟文演嘅牙肉王田雞同邊個一組參加「Model王戰衣爭奪戰」呢?
A. 糯米滋
B. 心太軟
C. 砵仔糕

7. 《五福星撞鬼》入面,馮淬帆考曾志偉孔夫子喺中國最出名係咩家?
A. 東家唔打打西家
B. 修身齊家
C. 老人家

8.《射鵰英雄傳之東成西就》入面,梁朝偉演嘅西毒歐陽鋒係食咗咩搞到變孖潤腸嘴呢?
A. 金蠶蠱毒
B. 赤蠍紛
C. 五毒散

9. 以下幾年杜琪峰都有兩個提名,但係邊年冇贏過金像獎最佳導演?
A. 2000年《暗戰》+《鎗火》
B. 2004年《PTU》+《大隻佬》
C. 2007年《放逐》+《黑社會 以和為貴》

10. 歷來獲最多金像獎嘅港產片係邊套?
A. 一代宗師
B. 臥虎藏龍
C. 胭脂扣

* 貼士 *
由今日到5月23號,逢星期一至五,晚上十一點至一點,叱咤903會有火火同陳詠燊主持特備節目《最港產》,同嘉賓講港產片經。如果想知道部份答案,今晚記得收聽,有田啟文(田雞)為大家揭曉!

答案公佈:
1.B 2.B 3.C 4.C 5.C
6.A 7.C 8.C 9.C 10.A
【903格最港產大挑戰.Round 8 電影狂迷題】
或者背電影對白、Cap圖、扮電影角色,大家都試過,不過咁樣只係港產片粉絲界入門級別……你對港產電影史有幾了解?香港戲院歷史背景又知幾多?如果你覺得自己已經達狂迷級,立即參加「903格最港產大挑戰」,答十條刁鑽港產片問題贏獎品!十二夜十二項挑戰,今日到「Round 8 電影狂迷題」。

< 遊戲玩法 >
1) 「讚好」(Like) 此Post
2) 下面留言回答十條問題
答中最多又最快嘅頭五位參加者,即可獲得Garrett 芝加哥風味爆谷套裝(含兩罐四分一加侖爆谷)一份,價值HK$198。

^ 截止時間:2017年05月18日下午18:00
^ 答中問題的五位得獎者,以本帖文留言區之留言先後次序作準,不得爭議,獎品送出由商台製作有限公司擁最終決定權。遊戲條款及細則:
https://goo.gl/GGRQYe

< 903格最港產大挑戰.Round 8 電影狂迷題>
1. 舊時唔少戲院都有鬧鬼傳聞,咁以下邊間戲院前身唔係殯儀館?
A. 東城戲院
B. 新京都戲院
C. 金茂坪戲院

2. 皇后戲院喺2007年結業,最後放映嘅影片係以下邊一套?
A. 跟縱
B. 色戒
C. 投名狀

3. 文念中曾經喺一個訪問中,當年拍攝《花樣年華》時,被導演叫佢去買一樣唔屬於嗰個年代嘅乜嘢物品?
A. 樽裝石油氣
B. 蚊怕水
C. 殺蟲水

4. 以下邊個資深女演員並冇出演《豪門夜宴》?
A.李香琴
B.譚倩紅
C.陳立品

5. 根據1997年票房,由高至低排例以下五部港產片:
《春光乍泄》《97家有喜事》《香港製造》《一個好人》《一個字頭的誕生》

6. 新京都戲院係香港第一間用數碼播映,喺 1997年7月1日放映嘅第一部數碼電影係邊部呢?
A. 《第100日》
B. 《大三元》
C. 《殺手再培訓》

7. 新藝城嘅「奮鬥房」係邊個人喺邊到嘅屋企嘅一間房?
A. 麥嘉,美孚新邨
B. 石天,杏花村
C. 黃百鳴,又一村

8. 李小龍同成龍曾經喺邊一套戲入面共同演出?
A. 《龍爭虎鬥》
B. 《精武門》
C. 《猛龍過江》

9. 第一間提供電話同網上購票嘅院線係邊間?
A. 嘉禾院線
B. UA院線
C. 百老匯院線

10. 位於灣仔嘅金像獎戲院前身係?
A. 謝斐道嘅杜老誌戲院
B. 駱克道嘅環球戲院
C. 灣仔道嘅京都戲院

* 貼士 *
由今日到5月23號,逢星期一至五,晚上十一點至一點,叱咤903會有火火同陳詠燊主持特備節目《最港產》,同嘉賓講港產片經。如果想知道部份答案,今晚記得收聽,有網站「講。鏟。片」版主、堅電影狂迷Ryan為大家揭曉!

答案公佈:
1.C 2.B 3.C 4.C
5.《一個好人》《97家有喜事》《春光乍泄》《一個字頭的誕生》《香港製造》
6.A 7.A 8.A 9.B 10.A
經典重現大銀幕

903格帶你穿越時空,重睇香港電影之最﹗
神仙B、Mark哥、鄭大姐、船頭尺、喪心病狂阿雞… 一眾經典人物,8部港產經典,6月10日起重現大銀幕,不如我哋由頭睇過?!
903格最港產電影節,8個週末,the sky (奧海城)同你重頭睇過!

6月10日
《三五成群》*
(廿八座大王宋本中和神仙B蔡堅成將親身到場分享!)

6月17日
《英雄本色》*
(4K高清版!映後分享有「豪哥」配音員黃志成先生!)

6月24日
《表姐,你好嘢!》*
(張堅庭導演將現身映後分享!)

7月1日
《秋天的童話》
(張婉婷導演和當年做配樂的盧冠廷先生將出席映後分享會!)

7月8日
《黑太陽731》 *

7月15日
《伊波拉病毒》*

7月22日
《癲佬正傳》*

7月29日
《唐山大兄》*
(4K高清版! 鄒文懷監製更將與觀眾一同欣賞電影及出席映後分享會,機會難逢!)

5月18日起,嘉禾院線網上及手機app訂飛﹗

*《三五成群》、《黑太陽731》及《伊波拉病毒》被列為III級影片,只准18歲或以上人士觀看。
《英雄本色》被列為IIB級影片,青少年及兒童不宜。

{{post['post_title'] ? post['post_title'] : post['profile_name']}}
{{post['profile']['profile_name']}}
{{post['single_post']['post_title']}}
最港產電影節
【903格最港產大挑戰.Round 10 編劇題】
劇本係一劇之本,係成部戲嘅靈魂。但編劇往往比起演員同導演低調,一般觀眾對佢哋嘅了解相對無咁多。大家講起某啲經典電影對白時,會唔會諗下係邊個寫㗎呢?「903格最港產大挑戰」第十回就要考考你,對電影編劇有幾了解!即刻玩,贏獎品!

< 遊戲玩法 >
1) 「讚好」(Like) 此Post
2) 下面留言回答十條問題
答中最多又最快嘅頭五位參加者,即可獲得Garrett 芝加哥風味爆谷套裝(含兩罐四分一加侖爆谷)一份,價值HK$198。

^ 截止時間:2017年05月20日下午18:00
^ 答中問題的五位得獎者,以本帖文留言區之留言先後次序作準,不得爭議,獎品送出由商台製作有限公司擁最終決定權。遊戲條款及細則: https://goo.gl/GGRQYe

〈903格最港產大挑戰.Round 10 編劇題〉
1. 以下邊套電影,並唔係由倪匡編劇嘅呢?
A. 《獨臂刀》
B. 《無名英雄》
C. 《諜海四壯士》

2. 以下邊套電影唔係爾冬陞同時兼任編劇同導演?
A. 《貓頭鷹》 (1981)
B 《人民英雄》 (1987)
C. 《早熟》 (2005)

3. 「奪命鉸剪腳」黃炳耀係資深編劇,亦鍾意落場演出,以下邊套唔係佢又做編劇又有演出嘅電影呢?
A. 《君子好逑》
B. 《雙城故事》
C. 《咖哩辣椒》

4. 韋家輝曾經於一個訪問中,被問到要揀一部最能代表銀河精神嘅代表作,佢答有兩部。係以下邊兩部?
A. 《暗花》同《非常突然》
B. 《一個字頭的誕生》同《大隻佬》
C. 《神探》和《大隻佬》

5.《野獸刑警》入面YOYO(周海媚)點解想將Mike (王敏德飾演)嘅BB生出嚟?
A. 想知係生鵬鵬(仔)定思思(女)
B. 生出嚟睇吓BB係咪鬼鬼地
C. 想Michael以後早D返屋企

6. 阮世生係90年代邊間電影公司嘅核心成員?
A. 永盛
B. UFO
C. 美亞

7. 「你連眼淚都唔知係乜嘢,到你知嗰陣會好痛苦」係出自李碧華邊一套電影?
A. 潘金蓮之前世今生
B. 青蛇
C. 川島芳子

8. 以下邊套電影唔係改編作品,而係原創劇本?
A. 月滿軒尼詩
B. 孤男寡女
C. 魔幻廚房

9. 以下邊個畫面,係觸發韋家輝構思《大隻佬》嘅靈感來源?
A. 喺四川拍外景時,見到巨大嘅佛像,覺得深受吸引
B. 喺銅鑼灣街頭,見到一個光頭嘅大隻佬跪低,覺得很有聯想
C. 喺拍攝《瘦身男女》時,見到特技公司掛起嘅假肌肉覺得好奇幻

10. 「你唔知一秒有幾長?」「青春嘅每一秒都好長。」莊文強、麥兆輝曾經喺專訪中提過呢句對白,曾經打算寫落劇本,但最後冇採用到,到底係以下邊一套?
A. 愛與誠
B. 頭文字D
C. 東京攻略

* 貼士 *
由今日到5月23號,逢星期一至五,晚上十一點至一點,叱咤903會有火火同陳詠燊主持特備節目《最港產》,同嘉賓講港產片經。如果想知道部份答案,今晚記得收聽,有《英雄本色》、《江湖告急》、《小男人週記》等佳作嘅編劇陳慶嘉為大家揭曉!

答案公佈:
1.C 2.A 3.C 4.C 5.B
6.B 7.B 8.A 9.A 10.B