Gary Chan
特技化妝師
香港本地製造,想做偉大的人
詳細資料
【工匠精神】
工匠精神, 就係對自己嘅技術/作品追求卓悅, 精益求精。
喺現今速食文化深厚嘅商業社會底下,想實現工匠精神係十分困難。
將呢種精神融入你生活緊嘅空間到,唯有改變一下傳統。
好簡單, 就係將時間縮短同加強控制成本,運用有限資源加上你對自己點樣追求卓悅嘅心態。至少我係咁樣⋯⋯ 算係一種無奈的妥協⋯⋯

本人係一名特技化妝師,算係半個手工藝藝術家,想分享一下我如何實現自己心中嘅工匠精神。

普遍特技化妝前期(複雜過程未來再解釋)需時長,例如我現時練習進行中嘅老人妝,給予自己嘅工作時間約14日,每日約10至14小時。

練習最好就一炮過去練先做到連慣性,但要我騰空2個星期是十分之困難。除左工作時增加自己經驗(唔係下下做到你想練習嘅工作),騰空唔到時間,咪練習唔到?

所以我會做一個講出黎俾人笑嘅方法去練就係⋯⋯
【大隱隱於市:國畫大師 – 陳勉良】
香港人唔少係電視汁撈飯長大,除左每一個大家耳熟能詳嘅影星之外,總有啲我地由細見到大嘅演員,你認得出佢嘅樣,但你講唔出佢嘅名。

陳勉良由八十年代初開始初登螢幕,向多部電視劇入面亦有佢嘅演出,多數飾演看更、道友嘅角色 ,後來到處境喜劇熱播,大家開始叫佢「錢掌櫃」。

其實陳勉良向成為演員之前,佢已經係一位嶺南派嘅國畫大師,師承畫家何百里,向六十年代末七十年代初已經開辦畫展,屢獲殊榮,而且佢桃李滿門,就連米雪同李香琴都係佢嘅徒弟。

陳勉良識得多門嘅技藝,但佢最鍾情始終係國畫。國畫嘅難度甚高同對藝術嘅要求層次極高,簡單如一朵花同埋一個水果,向畫家著筆之時,其實需要不同角度嘅推想同思考,先可以為畫帶來生命,將一幅作品昇華至更高嘅層次。呢項藝術充滿挑戰性,令佢執意鑽研一生。

有人話演員呢個職業嘅特別之處,就係可以向有限嘅生命入面活出比其他人多數倍嘅人生。「活到老學到老,先可以令藝術昇華」,或者演員呢個身份,或直接或間接咁都豐富左陳勉良嘅作畫角度。

縱使有忙碌嘅工作,但陳勉良搵到生活與藝術嘅共存之道,佢嘅瀟脫,成就左佢畫中世界嘅清靈。藝術並唔係一種離地愛好,其實佢係生活嘅必須品,令我地嘅人生不致單調乏味。

圖片來源:http://static.apple.nextmedia.com/images/e-paper/20160129/large/1454075558_351e.jpg


【Hohkyeal緣起】
曾經有一段時間,我好唔理解香港人。

唔少人願意俾一大筆錢去聘請外國團隊同專家,但對於一講起俾錢香港Crew,就好似嘆哂氣話無Budget出唔起錢,而呢個狀況向各行各業都見唔少。

以前會諗,呢一切全因為「外國嘅月亮特別圓」,令到唔少人對外國團隊趨之若鶩,所以硬係覺得香港人無咁馨香。到成立Hohkyeal之後,到處採訪同發掘香港本土藝術家,先發現,喂!原來香港真係臥虎藏龍,高手雲集,而呢個高手可能就係平時同你坐向同一間茶記入面食餐蛋面嘅嗰位食客,而你唔知佢有幾勁。

我地從來無一個好好嘅渠道話俾大眾知,「香港都有一班好勁嘅人。」就連各種各樣搞左好多年嘅官方藝術節,都好似需要引入一大群外國好勁嘅藝術家先可以附帶帶出一到兩個本地藝術家向個節目表入面,當然我明白有好多係贊助上嘅考慮,但其實香港有好多本地藝術家係絕對出得廳堂嘅。

自費成立Hohkyeal,身邊幾乎每一個人都話我好傻,去做一件好似無回報嘅事,問我「喂你其實做嚟做乜?白白倒啲錢出去」。但我不斷向度思考,當每個人都對香港嘅藝壇耍手擰頭同埋嘆氣婉惜嘅時候,點解無人行出嚟作出第一步嘅改變呢?

或者唔少人都向度等待,等一個改變嘅契機出現,但如果全部人都坐哂向度等,等到世界末日都唔會等到改變出現,而且我又憑乜嘢覺得人地要為左我行出嚟呢。

就係咁,所以我行左出嚟成立Hohkeyal,就算我搞得唔好都好,我好想呢股傻勁可以感染到身邊嘅人。我相信執念係一股好勁嘅能量,而呢種能量會感染到身邊嘅人都一齊去做啲傻事。

由16年年中開始到今日,Hohkeyal嘅第一個比賽終於向17年3月舉行,希望以呢個起點,為大家繼續介紹更多嘅本土藝壇勁人!


{{::post['post_title'] ? post['post_title'] : post['profile_name']}}
{{post['profile']['profile_name']}}
{{post['single_post']['post_title']}}