卓韻芝
電影導演,跨媒體創作人,暢銷作家。
詳細資料
【卓韻芝風大雨大One Night Stand】
八月底舉行的【風大雨大One Night Stand】是我的第六個秀了。首次演出時,從沒想過自己的路會這樣走,更沒想過香港的路會變成如此這般,惟一不變的,是依舊獨個兒對著電腦創作,自行修改,自行審批,導演編劇校對演出卓韻芝,然後在社交網絡發放海報,自己share自己;香港人的處境,自己share自己。
是次首度在旺角麥花臣演出,一聽到奶路臣街,說不如叫做「風大雨大」。拍攝海報時穿一條低胸裙子抵抗一下,面對風風雨雨,法律上用語所謂的「不可抗力」,港人只剩爛命一條,頭胸腹和四肢囉,我們還剩什麼?看新聞,感到風大雨大;在手機畫面撥一下,盡是風大雨大,風雨種類天天新鮮,荒誕之極,幸好我們還有腰背,還懂得笑。
開FB,帖子關於香港有多糟;開IG,圖片關於外國有多美,心裡不禁覺得自己輸在子宮裡,如果家母在生,也許她會跟我說I Feel So Sorry。跟朋友喝東西,每次的終結話題總是「移民去那裡啦,或者那裡啦」,說說而已,還是愛香港的,不過就算只是說說都覺得爽快,過個口癮都好像是心理治療,但手頭有幾多,你我走得麼?說完了,轉身回去撐傘子,外面風大雨大哦老朋友,I feel so sorry, but I am proud of you, buddy.
垃圾已經沖上岸,蕃茄變了「西红柿」,選舉就是「我覺得」,這個秀的材料多著了,可別忘記還有中女身份,單身者養頭貓這一群,可以自嘲元素多着了,現在只差在你想不想給自己笑,笑兩小時,精神爽利,重新儲波,好去捉精靈和坊間妖獸。
演出One Night Stand給我的最大感覺,是香港人其實好想笑,好肯笑,而且笑得好美麗,就這樣決定吧,8月底,我們去奶路臣街移民兩小時,吸吸新鮮空氣,自己share自己。

【風雨逃亡懶人包:鄭秀文】
我諗我一定要帶走鄭秀文囉。 佢係實現咗好多我哋中女嘅夢想,即佢嗰啲Chok樣啊,哈,佢做就得㗎喎,我做就真係唔得㗎,真係唔好試啊。佢令到我哋感覺到,嗯,無論咩年紀呢都仲係可以有唔同嘅、好有型嘅、有生活態度嘅。 咁再加上佢有神, 我無論走到去瓦努阿圖,定係台南花蓮(我唔知我到時走難去邊啦),我都可以有佢同埋佢心中嘅信念。

圖片來源:http://www.beautydiary-tw.cn/images/upload/Image/1(82).jpg

【風雨逃亡懶人包:香港大自然】
香港最靚嘅其中一樣嘢,當然就係山啦。香港有好多郊野公園,咁我就好想帶走晒香港嘅山頭、大自然、郊野公園、濕地。雖然我走難,我去到外國應該都會有更多嘅大自然,但我希望帶走香港嘅大自然呢,好好去保護,因為我唔想啲大自然留喺香港,就會得到傾倒垃圾,同埋搵石屎去整郊野公園嗰條路。我唔想大家再謀殺個大自然,所以我為咗保護個大自然,我將會帶走晒成個香港嘅大自然㗎。

圖片來源:http://img-cdn.hopetrip.com.hk/2014/0128/20140128040844387.jpg

【風雨逃亡懶人包:我阿婆】
我阿婆就一定要帶走嘅,因為除咗佢係香港人嘅阿婆之外,最主要係我唔帶佢走呢佢都會跟住我㗎。咁所以呢我阿婆一定要帶走,但我帶得走佢呢,我就要帶埋後面嗰堆囉,譬如佢同齡好朋友、八十幾歲嘅芳姐啊、黎太啊、陳太啊,佢哋都會一齊嚟睇我個show嘅。我買演唱會飛都係要買埋佢哋成班嘅飛,咁所以你預一個好大、好大嘅箱俾我,我就可以裝阿婆之外呢,我仲要裝晒成個維園嘅晨運圈。

【風雨逃亡懶人包:KOL】
既然要逃亡,要帶走香港嘅一啲嘢,我諗當然要帶走香港嘅一啲KOL。咁因為首先如果無咗KOL,我哋都唔識化妝啦,又唔知護膚品可以用嚟護膚啦,同埋我哋唔知到點樣可以將個手板柏住喺嗰支神仙水到,然後將佢推前嗰個鏡頭,呢啲動作係好香港㗎,咁我覺得呢啲係需要嘅。如果無咗佢哋,我哋就無咗嗰個香港精神,就係自己拍自己,自己share自己,自己like番自己囉。

圖片來源(截圖):https://www.youtube.com/watch?v=z8eoOwo3UsE&index=2&list=PL_4KHXekkotGWtjM67rxNKq955Mqc2cvh

【風雨逃亡懶人包:男神】
如果要走又要帶走一啲香港嘅嘢,首先就會帶條麻繩,然後就一下綁住晒余文樂、周柏豪、王宗堯嗰啲囉,綑住佢地當一件物件咁送貨,送抵去我嚟緊要移民或者走難嘅地方。咁主要都係幫下佢地啦,因為佢地應該係單身啦係咪?佢地就算唔單身,佢地都未搵到寄托,係咪?你睇下阮小儀,又俾佢博到喎,好嘢,好嘢。咁所以為咗幫人都會帶幾個男神走㗎。

圖片來源:http://s3-us-west-2.amazonaws.com/hypebeast-wordpress/image/hundred-2015/shawn-yue-landscape-2015.jpg http://img01.sogoucdn.com/app/a/100540002/764835.jpg
http://www.china3d8078.com/image/data/Artiste/Gregory/_1311970.jpg

【風雨逃亡懶人包:香港創作人】
如果我要逃離大遷徙,我諗第一樣嘢當然要帶走香港嘅創作人啦,譬如陳冠中(我喜歡嘅作家)、林夕,一定要帶走,唔帶走我後世嘅兒童就會未見過繁體字 。我而家留住啲繁體字主要係當古書咁睇,佢好快就會 喺博物館嗰到出現 㗎啦。

圖片來源:https://news.readmoo.com/wp-content/uploads/2016/01/IMG_6744.jpg

The Double 《盜面專師》
心理懸疑劇,改編自杜斯托也夫斯基小說。導演成功塑造一個虛構的詭異世界,主角(Jesse Eisenberg飾演——我最愛的男演員之一)某天上班,發現一位跟自己一模一樣的人,被這位The Double逐步威脅。演出、畫面、音樂、美術一流,如果閣下喜歡黑暗一點的東西,這個詭異世界會將你完全吸進去。


圖片來源:http://thelatestpictureshow.com/2014/05/28/the-double-review/
Frank
愛爾蘭劇情小品,真人真事改編。講述主角跟一群古怪音樂人一起制作唱片,男主音永遠戴着公仔頭,光怪陸離。我發現自己難以形容這電影,它幾乎沒有東西創新,感覺卻竟獨一無二。
圖片來源:http://sideonetrackone.com/2014/08/movie-breakdown-frank-noah/
The Selfish Giant 《兩小誣猜》
電影的主軸是兩位英國低收入階層小孩之間的友誼,讓人看得心坎破碎,片中許多幕也讓我聽到自己心靈破碎的聲音。小孩、貧窮、沒知識、性格缺陷、被欺壓、宿命性的悲劇......這些都使人聯想到某些特定的電影鏡頭、特定的音樂;這片子裡全都沒有,換來是一分因為寫實而更為深刻的切膚之痛。# the_selfish_giant
圖片來源:https://mubi.com/notebook/posts/the-best-movie-posters-of-2013
The One I Love
劇情峰迴路轉;跳出陳腐框架的峰迴路轉。最重要的是,導演想到了如何說這故事(或俗稱:想到怎麼拍),並且極具原創性。故事到底是關於什麼呢?不論在導演訪問、影評或維基百科也高調地迴避,我也就尊重原創。有趣的是,我在想,就算預先知道情節(看時娛樂性想必大減),撇除情節,它也是一齣值得細味的電影。# The_One_I_Love

圖片來源:http://thescorecardreview.com/review/film-reviews/2014/08/22/the-one-i-love/41512
Jodorowsky's Dune (2013)
此片透過輕鬆的手法紀錄一個失敗歷程。70年代,聞名國際的超現實電影導演Jodorowsky 看中了科幻小說Dune,誓要將它改編為電影,組成隊伍設計所屬宇宙世界,連藝術家達利(Dali)也承諾演出。Jodorowsky告訴各人「你們並非在造電影,而是為人類創作一件重要作品」。結果,彩色分鏡劇本如電話簿一樣厚,美得本身已是一件藝術品。那將會是一齣長達14小時的科幻電影,所需資金950萬美元(別忘記那是70年代)。可惜,籌集資金失敗,最終還被派給大維連治(David Lynch)拍成了電影Dune;那是失意之作,劣評如潮,大維連治拒絕在片尾寫出自己的名字。Jodorowsky's Dune講述一齣沒拍攝出來的影片,如何影響後世的科幻電影,Jodorowsky為Dune設計的場面、分鏡、造型,足跡遍布各處:未來戰士、星戰 、第三類接觸、普羅米修斯......
_dune
圖片來源:http://collider.com/jodorowskys-dune-trailer/
{{::post['post_title'] ? post['post_title'] : post['profile_name']}}
{{post['profile']['profile_name']}}
{{post['single_post']['post_title']}}