Kit Man@KIT DA STUDIO
互動設計師
三字頭香港佬一枚。夜貓黨肝火盛最憎不義之事。愛創作自造迷菲林砌遊戲就係要玩不妥協。努力中,窮忙中。
詳細資料
Nikon FM2
講到玩,我好多時都玩得比較認真。幾年前一直玩菲林,由 LOMO 玩到自製相機,之後就去到半專業嘅 FM2 同 HASSELBALD。菲林相之中我最中意係 SNAP 這範疇,而 FM2 的結構同功能上好能夠滿足到 SNAP 人的要求,係一部名機。
先講結構,快門掣拉片器同時間轉盤放喺右上位置,所有鏡頭都係用同一個 F-MOUNT,用家眼睛只要保持喺觀景器之內左右手點較數值都一眼睇晒,唔洗攞部機落嚟 SET 嘢而 MISS 咗 DECISIVE MOMENT,對於獵攝而言係超級重要。功能上,FM2 可以配唔同鏡頭唔同菲林亦可以重曝,作為手動菲林機應該有已盡有。至於點解數碼咁流行重鍾情手動菲林機,就係因為佢本身有限制而要用家自我鍛練人機合一去拍下決定性一刻,這個挑戰本身才是最吸引人。



圖片來源:https://www.facebook.com/kitDaSnap/photos/a.10150279614754709.352010.29084499708/10150279617324709/?type=3&theater

大人の科学
可能好多人都知道呢本嘢,但係佢係賣飛弗中嘅飛弗,開格之時只能介紹呢本眾所周知嘅《大人の科学》。

《大人の科学》每期雜誌嘅題目都係同科學有關,講相機原理、空氣動力、機械運動、電子積木、大氣電波等等等等(己經出咗四十幾期)⋯⋯ 每期雜誌都包你一本相關題目嘅雜誌同一份相關嘅模型,睇得又玩得,真係今天我學到好多嘢㗎。以前《大》只有日文版,年多前有台灣公司為《大》製作中譯本,唔識日文人士如我可以脫離看圖估義,實實在在咁享用每期嘅科學內容;反觀香港,點解我哋無一家雜誌社可以推出此等高質雜誌,人口少?市場窄?無人才?原因值得大家反思。

の科学

圖片來源:http://zapanet.info/blog/images/200906/micon/otona02.jpg
不老騎士
於我而言,睇戲永遠係一場賭博,因為我好怕預告片都將精華給你看了,要笑的都笑了有智慧的蹺都爆了期望高了入場就失望了。習慣選戲只憑海報同運氣,這套台灣紀錄片無揀錯 XD。

呢套戲表面上紀錄嘅係一場環台機車之旅,但佢實制上告訴大家嘅係夢想係乜,堅持係乜,信念係乜,生老病死係乜;入場觀看的各人都有自己被感動嘅位置,各有各喊;而坐我隔離嘅果位女士由入場喊到完場,中間喊到扯晒蝦,我懷疑佢係一睇再睇的一位。人總會有夢想,有短線而易做到的,亦有長線的較難達成的。夢想嘅前題,係你要付諸實行嘅事;齋諗唔做嘅叫空想。到了 80 歲,若你仍有夢想,你會信自己仍然做得到嗎???



圖片來源:https://upload.wikimedia.org/wikipedia/zh/0/07/Poster_of_Go_Grandriders!.jpg
くるみ
今日要同大家介紹一支老 MV,來自Mr. Children 嘅《くるみ》。多年前共事嘅設計師同事阿Be,佢可以算係日文歌的超級 FANS,會喺公司 FUAN 機播唔同嘅日文歌,邊聽邊唱重會唱到用海豚聲 XD(但其實佢同我一樣,係唔。識。日。文。嘅)。

每日聽著聽著,我喜歡上 Mr. Children 這樂隊。這支 MV 就算係唔明佢唱乜都會睇到人眼紅紅;因為佢嘅畫面會勾起對放棄嘅不憤同唔甘心;我本來就係一個唔識放棄嘅人,但磨人嘅生活總有方法令人妥協,每次再看這支 MV 硬係會感到哽嚥。希望香港人都可以活得更硬頸,更忠於自己,同記住:夢想嘅嘢永遠都為時未晚!

#くるみ

圖片來源:http://www.snd320.net/images/project/20141116153220-aeca03b56807c7491022b966975306cc.jpeg
{{::post['post_title'] ? post['post_title'] : post['profile_name']}}
{{post['profile']['profile_name']}}
{{post['single_post']['post_title']}}